ಹಾಡಿನ ತುದಿಯ ಹುಡುಕಿ

ಬೆಳಗಿನ ಕಿರಣವ ನೋಡಿ

ನೋಡಿದ ದೃಶ್ಯವ ಸವಿದು 

ಸವಿದ ಕ್ಷಣಕೆ ಸೋತು 

ಸೋತ ಸಮಯವ ಮರೆತು

ಮರೆತ ಹೃದಯವು ಹಾಡಿ

ಹಾಡಿನ ತುದಿಯ ಹುಡುಕಿ

ಹುಡುಕಿದ ರಾಗಕೆ ಮೈಮರೆತು 

ಮೈಮರೆತು ಹಾಡಿದ ಪದಕೆ 

ಗೆಜ್ಜೆಯ ನಾದದಿ ಕುಣಿದು 

ಕುಣಿದು ಜಿಗಿದ ಮನಸ್ಸು 

ಮನಸ್ಸ ಮಾತ ಕೇಳಿ 

ಕೇಳಿ ಹೇಳಿದ ಕನಸ  

ಕನಸಿನ ಬಣ್ಣದ ನೆನಪು 

ನೆನಪಿನ ಆಳವ ತಿಳಿದು 

ತಿಳಿದ ಸಮಯವು ಮೀರಿ 

ಮೀರಿದ ಹೊತ್ತಿಗೆ ಸಂಜೆಯಾಗಿ 

ಸಂಜೆಯ ಸೂರ್ಯನು ಕೆಂಪಾಗಿ 

ಕೆಂಪು ಸಂಜೆಗೆ ಪಕ್ಷಿಯಾಗಿ 

ಪಕ್ಷಿಗಳು ಒಟ್ಟಾಗಿ ಹಾರುವ 

ಹಾರಾಡುವ ಮನವು ಕತ್ತಲಾಗಿ 

ಕತ್ತಲಾದ ನಿಮಿಷಕ್ಕೆ ಮೌನವಾದೆ...

ಶ್ರೀ 

Tweet