ಮಾತನಾಡಿದೆ ನಾನು
ನನ್ನ ಮೊದಲ ಮಾತ
ನನ್ನ ಮನಸಿನ ಮಾತ...
ಹೆದರಿಕೆಯ ಢವ ಢವದಿ
ಪದ ಪದವ ಜೋಡಿಸುತ
ಹೇಳಿದ ನನ್ನಾಸೆಯ ಮಾತ...
ಮಾತು ಮಾತಲ್ಲೇ
ಮನದ ಮೌನ ರಾಗವ
ರಚಿಸಿದ ಆ ಮಾತ...
ಕುತೂಹಲದಿ ಕಿವಿಯಿಂದ
ಕಿವಿಗೆ ಕೇಳಿಸಿದ ನನ್ನ
ಭಾವನೆಗಳ ಮಾತ...
ಮೈಮರೆತು ನನ್ನನ್ನು
ನಾನು ಸಂಪೂರ್ಣವಾಗಿ
ಒಪ್ಪಿಸಿದ ಮಾತ...
ತನ್ನಷ್ಟಕ್ಕೆ ತಾನೇ
ಹೊರಬಂದ ಆ ನನ್ನ
ನಿಜವಾದ ಮಾತ...
ಮಾತು ಮಾತಾಗಿ
ಮಾತು ಬೆಳದು, ಕೇಳಿದೆ ನಾ
ಇನ್ನೊಂದು ಮಾತ...
ಆ ಮಾತ ಕೇಳಿ ಮೈಮರೆಯುತ
ಭಾವದೊಳಗೆ ಭಂದಿಯಾಗುತಾ
ನಾ ಮನಸೋತ ಮಾತ...
ಮುಂದೇನಾಗುವುದೋ
ಎಂದು ಎದುರು ನೋಡುತಾ
ಹೇಳಿದ ಮಾತ...
ಮಾತು ಮಾತಿಗೆ
ಭಾವನೆಗಳ ಸಮ್ಮಿಲನವಾದ
ಸಿಹಿಯಾದ ಮಾತ...
ಹೊಸ ಮಾತಾದರು
ಬೇಗ ಸಮೀಪವಾದ
ನೇರ ಮಾತ...
ಅಸಾಧ್ಯ ಎಂದುಕೊಂಡ
ಆಸೆಗಳಿಗೆ ಜೀವಕೊಟ್ಟ
ಆ ಮನಸ್ಸಿನ ಮಾತು...
ಕ್ಷಣಗಳಲಿ, ಮುಗುಳುನಗೆ ತಂದಿತು ಆ ಮಾತು...
