ಕಾಣದ ದಾರಿ

ಸುಂದರ ಸಮಯದ

ಸವಿ ನೆನಪುಗಳ 

ಆ ಮಧುರ ದಿನಗಳು...

ತುಂತುರು ಹನಿಯ ಸ್ಪರ್ಶಿಸಿ 

ಕೈ ಹಿಡಿದು ನಡೆದ ಕ್ಷಣಗಳ 

ಆ ಮರೆಯಲಾಗದ ಪ್ರಸಂಗಗಳು...

ಪ್ರತಿ ಕನಸ್ಸಿಗು ಹೆಸರಿಡುತ್ತಾ

ಪ್ರತಿ ಉಸಿರಿಗೂ ಕಿವಿಕೊಟ್ಟ 

ಆ ಮಾಯಾಲೋಕದ ದೃಶ್ಯಗಳು...

ನೀರಿನಮೇಲೆ ಹೆಜ್ಜೆಯಿಡುತ್ತಾ

ತಂಗಾಳಿಯಲ್ಲಿ ತೇಲುತ್ತಾ 

ಮೈಮರೆತ ಆ ವಿಸ್ಮಯಗಳು...

ನೂರು ಜನ್ಮ ಬಂದರೂ

ನೀನೆ ನನ್ನ ಹಾಡಾಗಬೇಕೆಂದು

ಕೋರಿದ ಆಸೆಗಳು...

ಒಂದರಮೇಲೊಂದು ಬಯಕೆಯ 

ಒಂದೊಂದಾಗಿ ತೀರಿಸಲು 

ಕೊಟ್ಟ ಮಾತುಗಳು...

ಬಣ್ಣಬಣ್ಣದ ದೃಶ್ಯವ ನೋಡಿ 

ಬಣ್ಣದ ಮುಖವಾಡ ಹಾಕಿ 

ನಗಾಡಿದ ಆ ಕೆನ್ನೆಯ ಗುಳಿಗಳು...

ಅಂದಿನ ಆ ಸಿಹಿ ನೆನಪುಗಳಲ್ಲೇ 

ಹೊಸತಿರುವು ಕಂಡ ಈ ಮನಸ್ಸಿನ 

ಇಂದಿನ ಪುಟಗಳು...

ಶ್ರೀ 

Tweet